Гори нискостеблеста деградирана шума и сува трева, а три авиони на ДЗС полетале да помогнат во гаснењето за огнот да не се прошири во ветерниот парк
Денеска околу 11 часот избувнал силен пожар веднаш до препумпната станица на хидросистемот Дојранско Езеро во месноста викана Брдаров Камен, информира Центарот за управување со кризи (ЦУК).
„Поради опасност пожарот да се прошири кон ветерниот парк Богданци, три ’ертрактори‘ на Дирекцијата за заштита и спасување (ДЗС) полетаа за да помогнат на пожарникарите од ТППЕ Гевгелија“,
велат од ЦУК.
Според првичните информации, пожарот зафатил нискостеблеста деградирана шума и сува трева.