Вицепремиерот за европски прашања, во новото издание на „360 степени“ на ТВ Алсат, уверува дека скринингот се одвива според зацртаната динамика, дека нема поместувања во утврдениот календар и дека треба да заврши во ноември. Но, истовремено, Маричиќ предупредува на опасноста Северна Македонија, и покрај завршување на скринингот, да остане блокирана во евроинтеграциите, ако до крајот на година не финишираат и уставните измени за вметнување на Бугарите. „Во оваа фаза одиме заедно со Албанија, меѓутоа ако не успееме до крајот на оваа година да ги завршиме тие обврски, секако, како и многупати досега, на наша штета ќе бидеме раздвоени“, вели вицепремиерот за европски прашања
360°: Дали скрингот се одвива според зацртаното темпо?
Маричиќ: „Скринингот оди по зацртаното темпо, по календарот утврден уште во септември минатата година. Завршивме со објаснувачки скрининг за три кластери и завршивме со билатерален скрининг, во кој ние презентираме до каде сме усогласени и кој ни е планот за усогласување за најважниот кластер – темелни вредности. Очекуваме во наредниот период, до пролет, да ги завршиме трите клучни инструменти – три патокази за реформа во јавната администрација, функционирање на демократски институции и владеење на правото“.
360°: Но, тие не се дел од скринигот?
Маричиќ: „Тие треба да произлезат како резултат на скринингот и целта е да бидат подготвени во моментот кога ќе заврши скринингот, да ги имаме подготвени за усвојување од страна на Советот на министри на ЕУ“.
360°: Ако се тече како што треба – скрингот треба да заврши во ноември, но уставните измени не се завршени, тогаш процесот ќе биде закочен, така?
Маричиќ: „Точно така. Ние на 23 јануари продолжуваме со билатералниот скрининг за внатрешен пазар со три поглавја и потоа има еден тек до ноември да се покријат сите поглавја, сите кластери. Кога ќе заврши скринингот, овие патокази и скринг-извештаите одат на усвојување во Советот на министри. Доколку ги немаме завршено обврските поврзани со уставните измени, тоа нема да се случи и тука ќе останеме“.
360°: А, што е реално – откако ќе заврши скринингот, кога би се отворил првиот кластер?
Маричиќ: „Доколку ги завршиме сите овие задачи, а јас сум сигурен дека ќе ги завршиме, веднаш би очекувале, без одлгагање, да се разговара за отворање на првиот кластер бидејќи овие патокази се услови за отворање на првиот кластер, а ние ќе ги изработиме и треба само да бидат усвоени од Советот на министри и очекувам, доколку Европската комисија не каже поинаку, брзо по ноември да се отвори првиот кластер“.
360°: Ако тоа не е така, тогаш Албанија ќе го направи тоа, а Северна Македонија ќе паузира во процесот?
Маричиќ: „Во оваа фаза одиме заедно со Албанија, меѓутоа ако не успееме до крајот на оваа година да ги завршиме тие обврски, секако, како и многупати досега, на наша штета ќе бидеме раздвоени“.
*Повеќе вести од гостувањето на Маричиќ во „360 степени“: