Бугарскиот претставник се заблагодари „за дипломатските напори направени од француското претседателство, како и за разбирањето што партнерите од ЕУ го покажаа кон бугарската чувствителност на темата“. Според него, предлогот првпат дава сериозен одговор на бугарската загриженост и може да доведе до задоволително решение и поради оваа причина бугарската влада одлучила да го претстави на разгледување во парламентот. Бидејќи парламентот сè уште не донел одлука, Бугарија изрази резервираност за предлогот, се вели во текстот на БГНЕС во однос на вчерашниот состанок на Комитетот на постојани претставници во ЕУ
На состанокот на Комитетот на постојани претставници во ЕУ (КОРЕПЕР), кој се одржа вчера, се разговараше за подготовка на претстојните самити на 23-24 јули 2022 година, јави БГНЕС додавајќи дека се дискутирало и за ревидираниот нацрт-рамковен став за PCM и поврзаните нацрт-заклучоци.
„Бугарскиот претставник се заблагодари ‘за дипломатските напори направени од француското претседателство, како и за разбирањето што партнерите од ЕУ го покажаа кон бугарската чувствителност на темата’. Според него, предлогот за првпат дава сериозен одговор на бугарската загриженост и може да доведе до задоволително решение и поради оваа причина бугарската влада одлучила да го претстави на разгледување во парламентот. Бидејќи парламентот сè уште не донел одлука, Бугарија изрази резервираност за предлогот“,
објавува БГНЕС во денешниот текст.
Бугарскиот претставник, тврди БГНЕС, истакна „властите во Софија напорно работат на изнаоѓање решение за спорот меѓу РСМ и Бугарија, но ја потенцира и сложената политичка ситуација поврзана со изгласувањето недоверба на кабинетот“.
„Тој повика на разбирање и нагласи дека до денес не може да изрази конечен став до крајот на неделата“,
се вели во текстот.
БГНЕС во денешниот текст потсетува дека Бугарија во собранието ќе разгледува пакет од три главни елементи – преговарачка рамка за PCM, заклучоците на Советот и билатералниот протокол меѓу Бугарија и PCM.
„Во текот на дебатата стана јасно дека имало прелиминарен договор за билатералниот протокол, но тој се уште не е потпишан. Бугарија смета дека е многу важно тоа да се случи во наредните денови и нагласи дека предложената формулација за јазикот не се совпаѓа со Рамковниот став. Комисијата треба да поднесе извештај за спроведувањето на обврските на РСМ во контекст на добрососедските односи пред меѓувладината конференција, а не за време на неа, што ќе овозможи навремено да се подготви ставот на Советот“,
се вели во текстот на БГНЕС.
Понатаму, агенцијата посочува дека еврокомесарот за проширување и европска соседска политика Оливер Вархеи на вчерашниот состанок изрази целосно разбирање за домашната политичка ситуација во Бугарија.
„За време на дискусијата, неколку земји, меѓу кои и Шведска, изразија целосна поддршка и разбирање за позицијата на Бугарија. Според нив, многу е важно заклучоците на Советот да се однесуваат на веќе потпишан билатерален протокол“,
објавува БГНЕС.
Состанокот на лидерите на ЕУ и земјите од Западен Балкан ќе започне на 23 јули 2024 година.
Комисијата за надворешна политика на бугарското собрание за францускиот предлог ќе расправа утре.
БГНЕС вчера објави детали за тоа што предвидува протоколот што треба да го потпишат двете земји, кој јасно ги опишува условите и конкретните чекори за почеток на преговорите за членство на Република Северна Македонија во ЕУ.
Според информациите на БГНЕС, во прашање е, всушност, записник од Вториот состанок на Заедничката меѓувладина комисија, создаден врз основа на член 12 од Договорот за пријателство, добрососедство и соработка меѓу Република Бугарија и Република Северна Македонија, што се одржа кон почетокот на јуни оваа година. Записникот го оценува она што двете влади го направиле досега и ги поставува насоките за понатамошни обврски и активности.