Приднестровие е отцепен молдавски регион кој се граничи со Украина, а руски воен претставник претходно сугерираше дека Русија би можела да ја преземе контролата врз јужна Украина за да обезбеди коридор до Приднестровие, каде што рускиот гарнизон е стациониран од 1990-тите
Министерството за внатрешни работи на непризнаената Приднестровска Молдавска Република известува за две експлозии во селото Мајак во Григориополската област, поради што се оневозможени двете најмоќни антени на радиоцентарот што ги емитува руското радио.
„Во раните утрински часови, на 26 април, две експлозии одекнаа во селото Мајак во Григориополската област: првата во 6:40 часот, а втората во 7:05 часот (според московско време)“,
соопшти Министерството за внатрешни работи на Приднестровие на каналот Телеграм, пренесе РИА новости.
Според агенцијата, на местото на настанот се испратени полициски службеници и итната помош. Ројтерс објави дека григориополската полиција ја опколи територијата на радио-телевизискиот центар Мајак, а Министерството за одбрана почна да ги испитува сите објекти на PRTC (Приднестровие радио и телевизиски центар) и, според првите информации, никој од жителите не е повреден.
Фотографии од местото се објавени и на Твитер.
Due esplosioni si sono verificate nel villaggio di Mayak in #Transnistria, mettendo fuori uso due antenne di un centro radio che ritrasmetteva la radio russa, secondo il ministero dell’Interno della repubblica non riconosciuta. Nessuna vittima tra i dipendenti del centro radio. pic.twitter.com/qQh2eETiR2
— Daniele Angrisani (@putino) April 26, 2022
ТВ Некста, исто така, на Твитер објави видео, а во објавата се додава дека нема жртви во нападот и дека се работи за руска провокација.
TV channel TSV reports of an explosion near the radio and television center “Mayak” in #Transnistria. There were no casualties.
— NEXTA (@nexta_tv) April 26, 2022
All indications are that #Russia is stepping up provocations in the area of occupied Transnistria. pic.twitter.com/LRxKYaC5q3
ПРТС е Транснистриски радио и телевизиски центар изграден во 60-тите години на минатиот век. Ова е еден од 14-те радиопреносни центри на поранешниот СССР. Сигналот од ПРТС може да се пренесе во САД, Блискиот Исток и Јужна Америка.
Ден претходно Министерството за внатрешни работи на непризнаената Приднестровска Молдавска Република објави дека биле испукани неколку истрели кон зградата на Министерството за државна безбедност ПМР во Тираспол од рачен противтенковски фрлач на гранати.
Од одделението објаснија дека се искршени стаклата на горните катови од зградата, а областа веднаш била опколена од полициски службеници. Во експлозиите нема повредени.
Приднестровие е отцепен молдавски регион кој се граничи со Украина, а руски воен претставник претходно сугерираше дека Русија би можела да ја преземе контролата врз јужна Украина за да обезбеди коридор до Приднестровие, каде што рускиот гарнизон е стациониран од 1990-тите.