Руската агенција ја пренесува изјавата на заменик-министерот за одбрана Александар Фомин, но засега нема други детали
Заменик-министерот за одбрана на Русија Александар Фомин, изјави дека Русија радикално ќе ги намали воените активности надвор од Киев и Чернихив, објави новинската агенција ТАСС, пренесе Би-би-си.
Бидејќи се работи за најнова информација, се очекуваат повеќе детали.
Претходно, британското Министерство за одбрана во својот дневен извештај објави дека се чини оти руските сили стагнираат во оваа област и дека украинските сили успеале да ги потиснат Русите од голем број позиции.
Опколениот северен град Чернихив и денеска е изложен на руски оган, соопштија украинските власти.
Градоначалникот на градот проценува дека од почетокот на војната таму се убиени 400 жители.
Во меѓувреме, украинската амбасада во Турција објави дека заврши средбата на украинските и руските преговарачи во Истанбул, но засега нема детали за напредок.
Од Украина пристигнуваат вести за нови бомбардирања, овој пат во јужниот пристаништен град Николаев.
Според медиумите, три лица загинаа денеска кога ракета погоди зграда на регионалната администрација на Николаев.
Најмалку 22 лица се повредени, а итните служби соопштија дека извлекле 18 повредени од под урнатините.
⚡️Russian forces hit Mykolaiv’s regional state administration building.
— The Kyiv Independent (@KyivIndependent) March 29, 2022
Most employees were able to get out. Rescuers are looking for eight civilians and three military personnel believed to be under the rubble.
Source: Vitaliy Kim, head of regional administration pic.twitter.com/Hat08rlGMd