Вашингтон тврди дека Кина станува уште поблиска до Русија откако Си и рускиот претседател Владимир Путин минатиот месец објавија стратегиско партнерство „без ограничувања“
Американскиот претседател Џозеф Бајден и претседателот на Кина, Си Ѓинпинг, денеска ќе остварат виртуелна средба, а како што пренесуваат американските медиуми, се очекува Бајден да го предупреди Си дека Пекинг ќе плати висока цена доколку ги поддржи руските воени операција во Украина.
„Бајден јасно ќе стави до знаење дека Кине ќе сноси одговорност за сите акции кои ќе ги преземе во поддржувањето на руската агресија, а ние нема да размислуваме да им наметнеме санкции. Загрижени сме поради тоа што тие размислуваат за директна помош на Русија во воена опрема за употреба во Украина“,
изјави вчера американскиот државен секретар Ентони Блинкен.
Кина го демантираше постоењето на вакви планови.
Вашингтон, исто така, е загрижен поради тоа што Кина би можела да и помогне на Русија да ги избегне економските санкции воведени од западните земји.
Вашингтон тврди дека Кина станува уште поблиска до Русија откако Си и рускиот претседател Владимир Путин, минатиот месец објавија стратегиско партнерство „без ограничувања“.
Кина одби да ја осуди руската акција во Украина или да ја нарече инвазија, а цензурираше онлајн содржина во Кина која е прозападна или неповолна за Русија.
Пекинг, исто така излезе со став дека го признава суверенитетот на Украина, но и дека Русија има легитимно право да биде загрижена во врска со безбедноста на која треба да им се посвети внимание и повика на дипломатско решение на конфликтот.
Рускиот министер за финансии Антон Силуанов, оваа недела рече дека Русија смета на помош од Кина во издржување на економскиот удар предизвикан од западните санкции.
На денешниот состанок меѓу американскиот и кинескиот лидер се очекува да се разговара и за иранските нуклеарни преговори, како и за лансирањето на ракети од страна на Северна Кореја и Тајван.