Тетовската полиција во декември 2021 година бележи 2002 собраќајни прекршоци што е 797 повеќе од истиот месец во 2020 година на тетовското подрачје. Прекшроците се откриени во триесетина акциски и редовни контроли.
„Во контролните активности поради констатирани прекршоци, од сообраќај билe исклучени 93 возила, од кои 62 поради истечена регистрација до и над 30 дена, а 31 поради утврдена техничка неисправност. Во декември, исто така, од сообраќај биле исклучени и 311 возачи или речиси двојно повеќе од ланскиот декември, од кои 162 управувале без возачка дозвола, 78 под дејство на алкохол, 53 возачи-почетници кои не се придржувале на законските ограничувања, пет со несоодветна категорија и 13 со важечка забрана за управување“,
информира Марјан Јосифоски, портпарол на СВР Тетово
Во овој период, времено биле одземени девет возила, 148 возачки и 52 сообраќајни дозволи, додека тетовската „пајак-служба“ вкупно подигнала 333 непрописно паркирани возила, најмногу во централното градско подрачје и пред се во таканаречени „двојни редови“, во зона на крстосници, на пешачки премини и на други недозволени места.