Во ДИК има пристигнато приговори за заштита на личното избирачко право на денот на изборите и прифатени се 217
Во две општини, Маврово Ростуше и Центар Жупа, ќе се повтори изборната постапка поради неисполнување на законскиот услов, кој пропишува една третина од запишаните гласачи да излезат на гласање
До Државната изборна комисија (ДИК) досега нема поднесено приговор за постапката за гласање или за утврдување на резултатите од гласањето од ниту еден подносител на листа на кандидати за локалните избори.
Во ДИК има пристигнато приговори за заштита на личното избирачко право на денот на изборите и прифатени се 217.
Приговорот на постапката за гласање се поднесува во рок од 48 часа по завршувањето на гласањето, а приговорот на постапката за сумирање и утврдување на резултатите се поднесува во рок од 48 часа од објавување на првичните резултати. Завршувањето на роковите, како што појаснуваат од Државната изборна комисија, зависат од времето кога завршило гласањето во секоја од општините поединечно.
ДИК е должна во рок од 72 часа по приемот на приговорот да донесе одлука, а одлуката се доставува во електронско сандаче за прием на писмена (електронската адреса) и одлуката се смета за доставена во рок од пет часа од доставувањето во електронското сандаче.
Против одлуката на ДИК, подносителот на приговорот може да поднесе тужба до Управниот суд во рок од 24 часа од приемот на решението.
Тужбата до Управниот суд подносителот ја заснова на основот и врз наводите истакнати во приговорот по кој е донесена првостепената одлука.
Во првиот круг од локалните избори вкупно 34 општини добија градоначалници. Според првичните резултати што Државната изборна комисија (ДИК), во 22 општини новите градоначалници се од ВМРО-ДПМНЕ, во девет општини се на СДСМ, а во три општини најмногу гласови освоиле кандидатите на ДУИ.
Според првичните резултати што ги соопшти претседателот на ДИК, Александар Даштевски, во вториот круг во најголем дел од општините ќе се избира меѓу кандидатите на СДСМ и ВМРО-ДПМНЕ, додека во седум општини во вториот круг се кандидатите на Алијанса за Албанците и ДУИ. Во две општини во вториот круг се кандидатите на ДУИ и БЕСА.
Во две општини, Маврово Ростуше и Центар Жупа, ќе се повторно изборната постапка поради неисполнување на законскиот услов, кој пропишува една третина од запишаните гласачи да излезат на гласање.