Менување на методологијата не доаѓа предвид, а во однос на какво било одбивање за попишување, има закон кој е многу прецизен, вели директорот на Заводот за статистика
Небитно е дали попишувачите се вакциниран или не. Имаме јасни и прецизни ковид-протоколи што мора и ќе се почитуваат. Тоа е наша обврска, но и гарантираме дека протоколите максимално ќе се почитуваат. Ќе сносиме одговорност ако тоа не се случи, изјави денеска директорот на Државниот завод за статистика, Апостол Симовски.
На прес-конференција во Владата, Симовски се заблагодари за препораката од вчерашната владина седница да се стават на располагање времено вработените во државните институции, но изрази надеж и очекување дека нема да има потреба од нивно ангажирање зашто, како што рече, има доволен број попишувачи.
Според директорот, пописот е обврска на секој граѓанин, а не доброволна активност. Методологијата на попишувањето, пак, нема да се менува, како што посочи, и покрај лошата епидемиолопка слика во државата.
„Мислам дека им е јасно на сите дека не можеме сега и дека воопшто немаме намера да ја менуваме методологијата. Донесена е според закон, објавена е во „Службен весник “и одобрена од Евростат, така што менување на методологијата не доаѓа предвид. Во однос на какво било одбивање за попишување, има закон кој е многу прецизен. Ова е задолжителна активност, обврска на сите. Ова не е доброволна активност“,
потенцира Симовски.
Во однос на попишувачите, повтори дека очекува д аима доволен број кандидати.
„По тестирањето, ќе знаеме колку попишувачи имаме на располагање и тогаш ќе можеме да кажеме дали ќе ни биде потребен дополнителен кадар. Но, очекуваме да имаме секаде доволен број кандидати кои ќе ги избираме согласно конкурсот што денеска завршува. Утре ќе имаме конкретни информации, колку аплицирале за кои пописни реони, а задутре ќе знаеме и точно колку од нив ја поминале селекцијата. Можноста да ги добиеме на располагање времено анагажирание лица во државните и институциите на локалната самоуправа е за да се интервенира по потреба, таму каде евентуално би немало доволно кадар – раазлични јазици при попишување и слично. Но, се надевам и очекуваме дека тоа нема да се случи“,
истакна директорот на ДЗС.
Евнтуално ангажираните, објасни директорот, ќе бидат платени само за работата што ќе ја извршуваат, како и секој друг учесник во пописот.