На Денот на Армијата на Република Северна Македонија министерката за одбрана, Радмила Шекеринска, доби медал за посебни достигнувања од командантот на Националната гарда на Вермонт, генерал-мајор Грегори Најт.
“Нејзината визија и ангажман одиграa директна улога за Северна Македонија да стане НАТО сојузник. Шекеринска имаше витална улога во поддршката и развојот на државната програма за партнерство со Националната гарда на Вермонт. Нејзиниот континуиран ентузијазам во партнерството доведе до забележителни успеси во односите. Нејзиното исклучително лидерство, јасни намери и динамичен ангажман служи како пример за целата програма на државното партнерство”,
се вели во образложението на одлуката.
Заблагодарувајќи се на медалот, Шекеринска, преку Фејсбук порача дека одликувањето го посветува на сите граѓани на Северна Македонија – „моите заслуги се и нивни заслуги“.