Треба да се обезбеди безбедна евакуација за европските граѓани во Авганистан, како и за авганистанските граѓани кои работеле со нив во последните 20 години, изјави шефот на европската дипломатија
Европската унија ќе соработува со авганистанската Влада, по враќањето на талибанците на власт, доколку тие ги почитуваат основните права и го спречуваат тероризмот, изјави денеска високиот претставник на EУ, Јосеп Борел.
„Соработката со која било идна авганистанска Влада ќе биде условена со мирното и инклузивно решение и почитување на основните права на сите Авганистанци, вклучувајќи ги и жените, девојките и припадниците на малцинствата“,
рече првиот дипломат на ЕУ, по вонредниот состанок на министрите за надворешни работи на Европската Унија што е посветена на ситуацијата во Авганиста.
Шефот на европската дипломатија ги повика сите актери во Авганистан да дозволат безбеден и непречен пристап до хуманитарната помош за жените, мажите и деца кои имаат потреба од неа.
Extraordinary #FAC Afghanistan: discussed lessons learnt, immediate measures to facilitate evacuations, support to Afghan population, management of migratory consequences, and ways to engage with authorities to preserve political and social achievements.https://t.co/pu3F2wcUtZ pic.twitter.com/2gMEBngd7r
— Josep Borrell Fontelles (@JosepBorrellF) August 17, 2021
„ЕУ ги повикува талибанците да ги почитуваат нивните обврски според меѓународното хуманитарно право во сите околности. ЕУ, исто така, ќе ги поддржи соседите на Авганистан во соочувањето со зголемениот прилив на бегалци и мигранти“,
додаде Борел.
Според Борел, главниот заклучок од состанокот е дека треба да се обезбеди безбедна евакуација за европските граѓани во Авганистан, како и за авганистанските граѓани кои работеле со нив во последните 20 години.