Србија, по постојаното зголемување на бројот на заразени лица во претходните денови, надмина 1 000 нови инфекции со коронавирусот, а здравствените власти, исто така, соопштија за шест смртни случаи. Официјалните лица предупредуваат дека веќе почна четвртиот бран на ковид-19.
Србија последен пат имаше повеќе од 1 000 заразени дневно на 12 мај, кога беа регистрирани 1 046 случаи на инфекција, и оттогаш следеше тренд на намалување, со што кон средината на јуни, имаше околу 60 новозаразени дневно.
Во изминатите 24 часа, шест лица починаа како резултат на инфекција со коронавирус во Србија, а меѓу 11 324 тестирани примероци, потврдени се 1 072 нови случаи на инфекција, соопшти Министерство за здравство на Србија. Во болница има 831 пациент, а 25 се на респиратори.