Најмалку 11 лица загинаа, а едно се води за исчезнато во поплавите што ја зафатија северна Турција. Поплавите ги погодија провинциите Бартин, Кастамону и Синоп, каде што врне силен дожд неколку дена.
Многу погодени области останаа без електрична енергија, а руралните патишта беа блокирани. Во провинцијата Бартин, најмалку 13 лица се повредени при уривање на дел од мост.
Надлежните служби се на терен, учествуваат во евакуација, пребарување и чистење на теренот. Хеликоптери спасуваат луѓе кои се искачени на покривите на своите домови, јавија локалните медиуми.
Во југозападна Турција, пожарникарите се борат со големиот шумски пожар во провинцијата Мугла, долж Егејското Море. Во пожарите што беснеат од 28 јули загинаа најмалку осум луѓе и предизвикаа огромна штета.