Двајца млади македонски граѓани загинале во сообраќајка што се случи во Пјаченца, Италија, потврди Министерството за надворешни работи.
Дописникот на МИА, повикувајќи се на пишувањето на некои медиуми и на тоа што се пренесува во Струмица, јавува дека во сообраќајката загинале ќерката и внукот на македонскиот конзул во Италија, Стојан Витанов.
И италијанскиот медиум „PiacenzaSera“, пишува дека жртвите се ќерката и внукот од брат на македонскиот конзул. Девојката со идентитет Марија Витанова, била на возраст од 25 години, а нејзиниот братучед Методи Витанов имал 26 години. Тие биле во автмобил „рено клио“. Автомобилот удрил во дрво и веднаш се запалил, па кога пристигнале спасувачите веќе било доцна.
Сообраќајката се случина на место кое важи за црна точна и на кое за десет дена се случиле три собраќајни несреќи со фатални последици.