Основното јавно обвинителство Скопје поднесе обвинение против 59-годишната Ж.П. од Скопје за запуштање и малтретирање дете.
Случајот стана познат во јавноста кога сега обвинетата во ноември лани беше пријавена од сопственик на угостителски објекти со игротека дека малтретирала двегодишно дете за кое била ангажирана како негувателка.
„Додека родителите биле на работа, негувателката повеќепати го удрила детето со шлаканици, го давела со раката држејќи го во пределот на лицето и устата и неколкупати го подигала и удирала од земја. Детето во неколку наврати се обидувало да ѝ побегне, а од малтретирањето се здобило со телесни повреди“, соопшти Обвинителството.
Ж.П. веќе се наоѓа во притвор, а Обвинителството бара негово продолжување поради реална опасност од бегство.