Денеска 6 000 луѓе присуствуваа на борбата со бикови во Мадрид, што е 40% од капацитетот на арената, а мораа да ноат маски и да седат на растојание
Илјадници шпански навивачи на борби со бикови денеска ги поздравија матадорите кои по една година се вратија во арената „Лас Вентас“ во Мадрид за да се борат со биковите, за прв пат од почетокот на пандемијата.
Посетителите мораа да носат заштитни маски и да седат на обележани седишта, меѓу кои имаше растојание во согласност со правилото за дистанца.
Фановите гледаа како матадорите се борат против седум бика, а настанот беше од хуманитарен карактер, со цел да се соберат пари за матадорите кои веќе долго време се без работа, но и за работниците кои работат со биковите.
Скоро сите шпански арени се затворени една година поради мерките, што предиизвика голем удар врз овој контроверзен спектакл и матадорите.
Денеска 6 000 луѓе присуствуваа на борбата со бикови, што е 40% од капацитетот на арената.
На денешниот настан присуствуваа најпознатите шпански матадори, кои ги забавуваа навивачите.
Шпанците се поделени околу овој крвав спектакл – едни сметаат дека е уметност, додека други сметаат дека е суровост.
Популарноста на борбите со бикови опадна во изминатите години, бидејќи наиде на голем отпор кај активистите за заштита на правата на животните и некои левичарски движења.
На крајот на март се одржа и првиот музички концерт со публика во Брселона со 5 000 публика.