Сепак, се нагласува дека бенефитот е поголем од ризиците. На земјите-членки на ЕУ ќе биде да донесат одлука дали ќе ја користат или ќе ја ограничат употребата на „Џонсон и Џонсон“ на одредени возрасни и родови групи, како што е случајот и со „Астра Зенека“.
Ставот на ЕМА следува откако во САД се идентификувани осум сериозни случаи на згрутчување на крвта кај вакцинирани со „Џонсон и Џонсон“, од кои еден со смртни последици. Осумте случаи се регистрирани меѓу седум милиони Американци кои се имунизираа со оваа вакцина
Европската агенција за лекови (ЕМА) објави дека е пронајдена можна поврзаност помеѓу вакцината на „Џонсон и Џонсон“ и ретките случаите на згрутчување на крвта, но бенефитот од вакцинирањето останува поголем од ризиците, јави дописничката на МИА од Брисел.
Вакцината на „Џонсон и Џонсон“, позната како „Јансен“, сè уште не се користи масовно во Европа, но компанијата се подготвува да го исполни својот дел од договорот со земјите-членки на ЕУ.
Во случајот со оваа вакцина, ЕУ реагираше побрзо отколку со „Астра Зенека“, а тоа следува откако во САД се идентификувани осум сериозни случаи на згрутчување на крвта кај вакцинирани со „Џонсон и Џонсон“, од кои еден со смртни последици. Осумте случаи се регистрирани меѓу седум милиони Американци кои се имунизираа со оваа вакцина.
Според ЕМА сите што развиле сериозни нуспојави од вакцината на „Џонсон и Џонсон“ се под 60 годишна возраст, повеќето се жени, а симптоми се развиваат околу три недели по вакцинацијата, но засега не се утврдени посебни ризични фактори.
Како што забележи Комитетот за фармаковигилентност на ЕМА, згрутчувањето на крвта се развива на невообичаени места во организмот, најчесто мозокот и абдоменот како и во артериите. Забележани се i случаи на крвавење. Сепак, ставот е дека бенефитот од вакцинацијата ги надминува ризиците.
ЕМА истакна дека ситуацијата е слична како со вакцината на „Астра Зенека“ и едно од објаснувањата е имунолошка реакција кај пациентите.
На земјите-членки на ЕУ ќе биде да донесат одлука дали ќе ја користат или ќе ја ограничат употребата на „Џонсон и Џонсон“ на одредени возрасни и родови групи, како што е случајот и со „Астра Зенека“.