Јасна слика за изборите во Бугарија: Борисов и Трифонов на врвот, Каракачанов се прости од парламентот

Гласовите од дијаспората убедливо ги освои партијата на Трифонов

Речиси 50 000 граѓани на гласачкото ливче заокружиле „не поддржувам никого“

Централната изборна комисија на Бугарија ги објави податоците за освоени гласови на парламентарните избори од обработените 98,93% од гласовите.

Според нив, ГЕРБ на Бојко Борисов освои 26,14%, Има таков народ на Слави Трифонов 17,73%, БСП 15,02%, ДПС – 10,34%, Демократска Бугарија – 9,52%, Исправи се! Излези! – 4,76%.

Надвор од парламентот со процент на гласови под неопходниот праг од 4 отсто се ВМРО на Каракачанов со 3,65%, БНО со 2,96% и Преродба со 2,47%, патриотска коалиција „Волја – НФСБ“ – 2,38%, Републиканците за Бугарија – 1,27%.

Дури 47 479 гласачи на гласачкото ливче заокружиле „Не поддржувам никого“.

Гласовите од дијаспората убедливо ги освои партијата на Трифонов, Има такви луѓе со 30,61%, или 51 608 гласа, следува Демократска Бугарија со 17,57% или 29 617 гласа, трета е ДПА со 13,28% или 22 385 гласа.

ГЕРБ доби само 8,67% или 14,623 гласови, Преродба 7,39%, или 12 462 гласа, 6,54% или 11 021 за БСП, БНО 8 865 гласа, или 5,26%, ВМРО 2 656 гласа…

Утешна победа на Каракачанов: Со освоени 216 гласа триумфираше во С Македонија

Според ЦИК, вкупниот број гласови од странство е 180 илјади. Во најголем број гласале Бугарите од Германија – 33 илјади и од Велика Британија – 32 илјади, додека во Турција 22 000 гласачи.