Прашањето е кога ќе се најде решение за С Македонија, а не дали, рече Рот

Тој, сепак не ја исклучи можноста за некаков напредок до крајот на оваа година

С Македонија е на патот кон ЕУ и направи суштински напредок и со Договорот за добрососедство со Бугарија и со Договорот од Преспа потпишан со Грција со кој се стави крај на конфликт кој траеше 30 години. ЕУ го препозна тоа. Но, само една земја не се согласи да се одобри преговарачката рамка за С Македонија, а потребно беше да се согласат сите 27 земји-членки, рече Министерот за европски прашања, Михаил Рот по министерскиот совет што се одржа денеска.

ЕПП нема коментар за блокадата од ГЕРБ за почетокот на преговорите на С Македонија со ЕУ

„Европската Комисија предложи преговарачка рамка, прашањето е кога, а не дали таа ќе биде усвоен. Би сакал да испратам оптимизам и прилично сум сигурен дека нашите партнери во Скопје нема да се обесхрабрат“,
рече Рот на прес-конференцијата.

Реакции од Белград на бугарското вето: Ова е преседан, ќе влијае и на евроинтеграциите на Србија

Тој изрази увереност дека во следните шест месеци за време на португалското претседателство ќе се најде решение за С Македонија и посочи дека Германија ќе продолжи да притиска во таа насока.

„Нема потреба од план Б за Северна Македонија, прашањето е само кога, и сигурен сум дека ќе се надмине ова. Ова за мене е и лично разочарување, како и за самата канцеларка (Меркел), ние сме посветени, но не бевме доволно успешни, почувствував огромна поддршка од другите земји членки, а португалското претседателство рече дека ќе се заложи. Можете да сметате на поддршката на федералната влада на Германија дека ќе продолжи да притиска“,
рече Рот.

Димитров за бугарската блокада: Ова е голем удар за европската политика кон Балканот

Тој, сепак не ја исклучи можноста за некаков напредок до крајот на оваа година.

„На мое огромно разочарување не постигнавме согласност за преговарачките рамки ниту за заклучоците на Советот за проширувањето, ова е горчлив удар за нашата политика кон западниот Балкан чија цел е да се поттикне стабилност и демократија, но ЕУ останува посветена да се постигне согласност во наредните денови, најдоцна за време на португалското претседателство“,
рече Рот.

Потпретседателот на Европската Комисија, Марош Шефчович, се согласи со министерот Рот и рече дека процесот со Северна Македонија ќе продолжи и повтори дека е само прашање на време кога ќе се реши.