Во тек се активности за нивна скорешна евакуација и трансфер до безбедна локација, од каде што дополнително ќе се организира нивно враќање во земјата, велат од МНР
Министерството за надворешни работи соопшти дека вкупно 22 лица побарале асистенција за напуштање на Израел и враќање во Северна Македонија.
Станува збор за наши државјани, како и членови на нивните потесни семејства.
„Во тек се активности за нивна скорешна евакуација и трансфер до безбедна локација, од каде што дополнително ќе се организира нивно враќање во земјата“,
велат од МНР.
Оттаму додаваат дека дипломатско-конзуларното претставништво во Тел Авив е во постојана комуникација со нашите државјани, а Министерството за надворешни работи и надворешна трговија активно работи на обезбедување на сите неопходни услови за нивно безбедно враќање.
Претходно денеска, ресорното министерство објави и СОС – броеви за помош на граѓаните кои се затекнати во Израел или Иран.