Зошто Камчев беше предложен за почесен конзул, дали властите во Софија станаа „сојузници“ на ВМРО-ДПМНЕ, зошто Борисов му го препушти дијалогот со Скопје на Каракачанов, се дел од прашањата што ги поставува бугарскиот портал „Медиапул“
„Десет непријатни прашања за бугарското вето за С Македонија“ поставува во истоимениот текст бугарскиот портал „Медиапул“.
- 1. Зошто Бугарија го предложи контроверзниот бизнисмен Орце Камчев за свој почесен конзул во Скопје?
- 2. Зошто Бугарија не демонстрира конзистентна политика и не ги отвори прашањата за говор на омраза и за кражба на историјата пред С Македонија да стане членка на НАТО годинава?
- 3. Зошто Владата дозволи да се потпише Договорот за добрососедство, кој претходно беше критикуван од експерти и пратеници поради недоволно контролни механизми при неговата имплементација?
- 4. Како беа избрани членовите на историската комисија од бугарска страна и зошто Владата ги игнорираше поумерените историчари?
- 5. Зошто премиерот Бојко Борисов му го препушти дијалогот со Скопје на министерот за одбрана Красимир Каракачанов, во чие портфолио не е надворешната политика?
- 6. Дали Бугарија ја потцени темата, демонстрирајќи во последните три години неконзистентна политика кон Северна Македонија?
- 7. Зошто беше дозволено Бугарија да се најде во европска изолација?
- 8. Станаа ли бугарските власти „сојузници“ со проруската опозициска ВМРО-ДПМНЕ, која е главно одговорна за јазикот на омраза кон Бугарија?
- 9. Дали постои стратегија како Бугарија да ја поправи штетата што ја нанесе во однос на довербата на македонските граѓани кон Бугарија?
- 10. Зошто Бугарија дозволи да стане „нова Грција“ за Северна Македонија, а Атина да преземе заштитничка позиција и да нарача вакцини за неа?