Во последните денови ова е трета сообраќајна несреќа со смртни последици на автопатот Скопје-Тетово
Попладнево, нешто пред 18 часот на автопатот Тетово-Скопје, во близина на с. Ласкарци, патничко возило „јагуар” со гостиварски регистарски ознаки, управувано од Н.И.(49) од с.Чегране, гостиварско, излетало од коловозот.
На местото на несреќата починал сопатникот Н.З.(53) исто така од с.Чегране, додека возачот и уште двајца сопатницисе повредени и се пренесени во Комплекс клиники „Мајка Тереза“, соопштија од МВР.
Очевидци на несреќата велат дека металната ограда по средината на автопатот била искината, а полицијата со часови вршела увид, додека сообраќајот се одвивав по двете ленти, но забавено.
Во последните денови ова е трета сообраќајна несреќа со смртни последици на овој автопат.