Војниците добиле прва помош на местото на настанот, а потоа биле префрлени во болница за понатамошно лекување, се вели во официјалната објава на воената база Форт Стјуард на Фејсбук. „Нема активна закана за заедницата“, дополнуваат од базата
Пет американски војници се ранети во пукотница што се случи денеска доцна попладне во воената база Форт Стјуарт во сојузната држава Џорџија, објавија воените власти. Осомничениот за нападот е уапсен.
Војниците добиле прва помош на местото на настанот, а потоа биле префрлени во болница за понатамошно лекување, се вели во официјалната објава на базата на Фејсбук. „Нема активна закана за заедницата“, објави базата Форт Стјуард.
Полицијата добила пријава за пукањето во 10:56 часот по локално време односно 16:56 часот по средноевропско време, а базата беше блокирана неколку минути подоцна. „Осомничениот е уапсен“, соопштија властите.
Гувернерот на Џорџија, Брајан Кемп, на социјалната прежа Икс објави дека тој и неговото семејство се потресени од денешната трагедија.
„Жртвите, нивните семејства и сите оние кои ѝ служат на земјата се во нашите мисли и молитви. Ги покануваме сите граѓани на Џорџија да го сторат истото“,
напиша тој.
As we remain in close contact with law enforcement on the ground, Marty, the girls, and I are saddened by today’s tragedy at Ft. Stewart. We are keeping the victims, their families, and all those who answer the call to serve in our hearts and prayers, and we ask that Georgians…
— Governor Brian P. Kemp (@GovKemp) August 6, 2025
Претседателот на САД, Доналд Трамп е информиран за инцидентот и ја следи ситуацијата, потврди портпаролката на Белата куќа, Каролин Ливит.
The President has been briefed on the shooting at Fort Stewart in Georgia. The White House is monitoring the situation.
— Karoline Leavitt (@PressSec) August 6, 2025
Воената база Форт Стјуарт се наоѓа на околу 360 километри југоисточно од Атланта и 65 километри југозападно од градот Савана.
Засега нема информации за причините за пукањето и можните мотиви на напаѓачот.