Вака премиерот Димитар Ковачевски ја опиша состојбата со процесот на евроинтеграции одговарајќи на прашањето на дебатата на регионалниот самит „Македонија 2025“, за значењето на иницијативата „Отворен Балкан“ и за предизвиците со кои се соочуваат земјите од Западен Балкан
Нашата европска интеграција е заложник на Бугарија и на зборување за историја што гледам дека сите земји од ЕУ го одобруваат тоа, вака премиерот Димитар Ковачевски ја опиша состојбата со процесот на евроинтеграции, одговарајќи на прашањето на дебатата на регионалниот самит „Македонија 2025“, за значењето на иницијативата „Отворен Балкан“ и за предизвиците со кои се соочуваат земјите од Западен Балкан.
Притоа, тој нагласи дека ваквото регионално поврзување не е алтернатива за ЕУ-интеграциите и тука ја спомена блокадата од Бугарија.
„Нашата европска интеграција, зборувам за Северна Македонија и за Албанија, е заложник на Бугарија. Таа наша европска интеграција е сведена на зборување за историја, што практично сите земји од Европската Унија гледам дека го оправдуваат. Според мене, тоа е погрешно бидејќи кога се зборува за историја не се ветува ништо туку само се зборува за нешто што се случило пред 100-150 години. Тоа е класична уцена и не може да произведе никаков бенефит за никого. Затоа сметам дека зборувањето за теми што ја засегаат иднината на државата се многу значајни и на таква основа треба да се водат сите разговори“,
рече Ковачевски на самитот „Македонија 2025“.