Ќе се вакцинирам за да покажам и докажам дека луѓето треба да се вакцинираат, вели министерот за здравство, Венко Филипче запрашан дали ќе се вакцинира против ковид-19.
„Aпсолутно да, ќе се вакцинирам. Да покажам и да докажам дека треба да се вакцинираат луѓето. Вакцините се сигурни ние го пратевме нивниот процес на развој и сите фази од клиничките студии. Тоа ќе биде тоа што ќе ја смени сликата во светот. Искрено верувам дека следната есен, следната Нова Година навистина нема да има потреба за мерки никаде во светот, дека нема да има рестрикции, дека вакцината значајно ќе го подигне имунитетот и животот постепено ќе се врати во нормала“,
рече Филипче во гостување во емисијата „Магазин“ на Сител.
Тој повтори дека С Македонија за набавка на вакцината аплицира преку Ковакс ситемот, и во тој систем аплицираат над 150 земји во светот, сите наши соседни земји освен земјите членки на ЕУ, кои имаа можност да направат директни договори со двата најголеми производители Фајзер и Астра Зенека.
„Сите вакцини кои што се развиваат во светот во овој момент се развиваат на сосем безбедни платформи.Тоа се платформи, дали се тоа RNK, педизвикувач итн.кои што се добро познати и на која што основа се развиваат сите други вакцини кои што се достапни за другите болести на морбили, HPV“,
изјави Филипче.
Тој посочи дека станува збор за еден сосем безбеден и веќе установен систем кој што компаниите многу добро го знаат и имаат експертиза и искуство.